الأربعاء، 20 يناير، 2010

مجلس بلدنا اتحرق


مجلس بلدنا اتحرق

انا قولت : ايه يعنى

قالولى: ايه ياجدع

هوه انت مش مصرى

مفروض عليك تزعل

وتشيل كمان الهم

انا قولت مش فارقة

طول عمرنا فى الغم

وكمان ماهيش ناقصة

أزيد همومى هم

قالولى :مش مكسوف

نبقى ف قلق وظروف

وتقول ماهيش فارقة

ماتخلى عندك دم

وتقوم وتتحرك

انا قولت هعمل ايه

مطافى بتطفى

بتروح ما بتطفيش

قوات وبتساعد

ومساعدة ماتكفيش

وشعب قام يدعى

طول عمره ما يصليش

وجهود بتتابع

من خلف درفة شيش

انا قولت هعمل ايه

لا انا عضو مجلس شعب

ولا حتى قائد جيش

فرفعت ايدى لفوق

يارب خلصنا

يارب خلصنا !!

فهمونى برده غلط

سحبونى للتفتيش !!

هناك 13 تعليقًا:

  1. ونقوووول الو اول تعليق

    حلوة اوىىىىىىىىىىىىى كانت فين دى مايتحرق ويولع ال يعنى هو استفادنا بيه فى حاجة

    يارب خلصنا

    يارب خلصنا !!

    فهمونى برده غلط

    سحبونى للتفتيش !!



    حاسب بقى هيخدوا كل اللى فى جيبك

    فكرتنى بالمجلس البلدى بتاعة بيرم التونسى
    تحياتى ياللى وحشتناااااااااا

    ردحذف
  2. ايه التفتيش ده :)

    انا برضو ولا همني وقلت يكش تولع

    تحياتي

    ردحذف
  3. مى

    الو ..اهلا وسهلا بأول تعليق وتحقيق رقم قياسى فى حضورك معانا فى المدونة .
    على رأيك مافيش حاجة بتيجى من ناحيتهم بفايدة _ مع العلم انى بحب الحكومة طبعا _
    المجلس البلدى عن ما يدور داخل المجلس .
    بالنسبة للتفتيش همه مش بس بياخدوا اللى فى جيبى _ رقابة _

    ردحذف
  4. فتاة من الصعيد

    التفتيش ده أحد العلاقات الشرعية للحكومة مع المواطن اللى مالوش ظهر .

    تعالى نعمل جروب ونسميه يكش يولع ..بس على الفيس بقى

    ردحذف
  5. جميلة يا هاني بجد
    تسلم ايدك

    مفتقدينك والله يا هاني

    متغيبش كتير كدة

    يارب تكون بخير

    ردحذف
  6. زهور الامل

    ربنا يخليكى
    انا الحمد لله كويس
    ربنا يخليكو ليا

    ردحذف
  7. ازيك
    بجد مفتقده تدويناتك بس قلت اجى اشوف ايه جديدك
    كلامك تحفه يابنى
    ايه الحلاوه دى
    حلوه خالص بردو فهمونى غلط
    سحبونى للتفتيش
    هههههههههههههههههه
    كلامك واقعى جدا
    انا مصر جابتلى الهم بدرى بدرى
    والله ياهنو ليا كام يوم مش عايزه اقرا اى مدونات ولا حتى مدوناتى
    وحتى الفيس نفسه زهقت منه
    بحضر لكتاب هو كمان ماليش نفس اكتب فيه
    البلد جابت اخرها معايا
    والسيول ف اسوان عاملالنا قلق عشان خالاتى هناك وربنا يسترها
    معلش اتشغلت الايام اللى فاتت عن مدونتك
    بس ان شاء الله هبقا اجى دايما هنا

    ردحذف
  8. واحدة من الناس

    حمدالله ع السلامة

    منتظرك دايما يا صديقتى

    ردحذف
  9. ده لينك المدونه الجديده ضيفه عندك على الريدر هتظهر مواضيعي الجديده

    انا بكتب هناك ... ومدونتي القديمه بعمل عليها اعلانات بس للمواضيع

    اللينك اهو :

    http://fatahmenalsa3ed.wordpress.com/

    لو لقيت مشكله ابقى جرب التصفح بالفايرفوكس

    تحياتي

    ردحذف
  10. ما شاء الله . اييييييييييه ده ؟.. اسلوب راقي و ابداع يتجدد .. كتابه احترافيه نمسك الخشب :)

    هما كل المدونين شطار كده ولا ايه ؟ .. أنا يعني اللي وقعت من قعر الأفه :(

    أول مره أزورك بس ان شاء الله مش آخر مره

    و ياريت اتشرف بحضرتك على مدونتي و نتبادل التعليقات
    الرابط
    http://ra7alaat.blogspot.com/

    شكرا لوقتك

    ردحذف
  11. هوة المجلس و بس؟ ده المجلس و المسرح و كل حاجة دلوقت بتتحرق عشان يجددوها و يصرفوا عليها ربع الميزانية اللي بتتقال في الموازنة و بكدة يلحقوا يكبشولهم شوية قبل ما يسيبوها خرابة
    حسبنا الله و نعم الوكيل

    ردحذف
  12. اسمي أحمد .. لو مخانتنيش الذاكره

    مرحبا بيك فى اول زيارة واتمنى ماتكونش اخر زيارة
    وشكرا جدا لرأيك


    languageb
    القصيدة اتكتبت لما المجلس اتحرق فى نفس يومها وبعدين دى اخطاء فردية وتتكرر فى العديد من الدول
    والماس الكهربائى هوه السبب ماتظلمش حد
    مرحبا بيك واتمنى وجودك دايما

    كرانيش
    شكرا ليك

    ردحذف